كلمات: وجهة نظر

كلن وله يا صديق الحال وجهة نظر
وانا على قد عقلي ذي اقيس الأمور

فطري ولا اعرف بخلفيات بعض البشر
بس أن عندي إرادة صلب مثل الصخور

اسرج مع الحق خيلي في ظلام الغدر
وجـ ــاهد النفس واسحق كبرها والغرور

واخذ من أيام عمري والليالي عبر
وأدرك بأن الحياه إلا متاع الغرور

المشكله لا العمى في القلب ليس البصر
والجهل قال المثل ظلمات والعلم نور

والصدق خصلة ثمينة من كسبها ضفر
فيه النجا من تحلا به ينال السرور

و الكذب يسقط قرينه من شفى منحدر
يقصر به الحبل واحدث فيه عدة كسور

الحل هو حل والحيله مشاكل وشر
والبهطله والتخاذل مثل طعن الضهور

نفس الثقه من طرحها وسط وادي هدر
يصبح يعاني قفا رايه مئات الشهور

زمان فيه الملاوي ما لها مختصر
بس الدوائر حقيقه وعد حتمي تدور

يا قلبي احذر تضعها في ضمير اندثر
خل الثقة في عظيم الشأن وابقئ صبور

وأسلك طريق الكرامة لا تخاف الخطر
وأرقى المعالي وشد الحبل واطلع فخور

ارضى برزقك سوا يزداد والا فتر
والعسر مهما بلغ كن فيه عبد شكور

العمر محدود وابن ادم بكف القدر
والعاقبه كلها لله هي والأمور