كلمات: الوقت مايرحم

الوقت ما يرحم ولا فيــــــــــه عــــرفان
واللي عزيز النفس يـــــــا عـــــــــزتي له

يــــــــا كم تحملنا المواجع على شـــان
نلمّ شملٍ(ن) مــــــــا لنا فيــــــــه حيله

لجل الصـــــراحه كم جفاني من اخوان
مــــــــن دونهم كنت أفعـــل المستحيله

يــــــــــــا وقت أنا قدرتهم قدر الإمكان
لكــــــــــــن أنا أستــــاهل بحقي قليله

ظنيت خيـــــــــر بمن أساؤو بي أظنان
واسرفت في طيبي وجــــــــــاني بديله

ما عــــــــــاد فيني للجروح أيــة إمكان
ونفسي مــــــــــن اوجاع القرايب قتيله

مليت من صمتي وما اخفــــوه لي بان
واليـــــــوم مــــــــا للصبر فيني وسيله

إن كـــــــــــــــان ما للكفو قيمه ولا شان
يا لعن ابو من عـــــــــــــاش نفسه ذليله